Ինչպես վերականգնել ուղեղը կաթվածից հետո. news.am

Օմեգա-3 ճարպաթթուները նվազեցնում են կաթվածահար գլխուղեղի վնասվածության աստիճանը. պարզաբանել են Կոլումբիական համալսարանին կից Բժշկական կենտրոնի գիտնականները (Columbia University Medical Center, CUMC, США):

Հաստատության կայքում նշված է, որ փորձարկվել են 10 օրական մկները, որոնք ենթարկվել են գլխուղեղի հիպոքսիկ-իշեմիկ ախտահարման (ուղեղում արյան շրջանառության եւ թթվածնի կրճատման հետեւանքով, ինչպես լինում է կաթվածի ժամանակ): Կենդանիներին բուժել են ճարպային էմուլսիայով` բաղկացած կա՛մ DHA, կա՛մ ERA-օմեգա-3 ճարպաթթուներից, որոնք լինում են ձկների մեջ, ծովամթերքում եւ ջրիմուռներում: Հետազոտողներն ուսումնասիրել են մկների նյարդաբանական ֆունկցիան 24 ժամ անց եւ 8-9 շաբաթվա ընթացքում` գանգ-ուղեղային վնասվածքից հետո:

ЕРА-ի եւ DHA-ի օգտակարությունը, որոնց գլխավոր աղբյուրը ձկնայուղն է, հայտնի էր նախկինում եւս: Գիտնականներն արդեն ապացուցել են, որ այդ թթուները պաշտպանում են օրգանները եւ բջիջները թթվածնային քաղցից հետո` կանխելով դրանց բորբոքումը եւ մահը: Իսկ այժմ խնդիր էր դրվել ստուգելու, թե արդյո՞ք դրանք կարող են պիտանի լինել նաեւ կաթված ստացած հիվանդների համար: Արդեն 24 ժամ անց մկների մոտ, որոնց ներարկվել էր DHA (բայց ոչ` EPA), նկատվել էր գանգ-ուղեղայի վնասվածքի զգալի կրճատում:

Հաջորդած շաբաթների ընթացքում խումբը, որ ընդունել էր օմեգա-3 թթուն, եւս ցույց տվեց ուղեղի աշխատանքի բավականին լավ արդյունքներ: Հետազոտողները նաեւ բացահայտեցին, որ ապաքինվող մկներն ուղեղի միտոքոնդրումներում ունեին DHA-ի բարձր խտություն, որոնք արտադրում են էներգիա բջիջների կառուցվածքում եւ կարող են վնասվել ազատ ռադիկալներից, երբ արյան շրջանառությունը վերականգնվում է կաթվածից հետո։

Հարցեր, պատասխաններ, մեկնաբանություններ